ديسمبر 1, 2021

اخبار تحيا مصر

جريدة ورقيه وموقع الكترونى

على بابك

علي بابك
شعر أحمد الكومي
أنا في دنياك كالعابد
و مستني على بابك
ترانيمي في هوك كالورد
برتلها وأغنيها لعشاقك
كتير مرات ومن غير عد
كما العاشق لأحبابك
وانا زاهد ما زيي حد
كما الراهب في محرابك
وعشقك ليه كالمعبد
ومسبحتي حروف إسمك
وبدعي كتير وانا ساجد
يكون لي بالوداد واصلك
غرامي مجنن الحاسد
بيحسدني علي حبك
ولللايمين كده أعاند
أدام بتهني في قربك
كمان بعشق جمال الورد
وانا دايب أوي في حضنك
واخدني في هواك الود
حبيبي قولي إيه قصدك
مفيش غيرك في كوني حد
ولا في الدنيا فيه زيك
كمان للحب أصبح عيد
دا كان معمول علشان قلبك
ومحربي لهواك مسجد
وساحة لجل خدامك
وأنا في دنياك كالعابد
ومستني علي بابك