أغسطس 6, 2021

اخبار تحيا مصر

جريدة ورقيه وموقع الكترونى

تسكني قلبي ؟؟؟

تسكني قلبي ؟؟؟

شعر أحمد الكومي
بصراحة طمعان في قلبك
يسكن قلبي لكن برضاكي
وأول ما رضيتي وحبيتي
أنا جهزت الدنيا عشانك
بالورود فرشت قلبي
كمان بالعطر رشيته
علشان قلبي يليق بيكي
رسمت علي جدرانه الشمس
وكتبت حروف إسمك بس
ياأميرة وساكنه في العالي
وبحبك شغلتي لي بالي
مستني قلبك يتحرك
ويدق بحبي وهوايا
وأقول للدنيا وللكون
انا بحبك اوي مفتون
أجمل عيون بتحبني
وبحبها ومجنون بها
يعني هواها جه في لحظة
ومكنتش اعرف قبلها
بشتاق لها لوحدها
والشوق واخدني لقلبها
ولحدها مستني اقول بحبها
اجمل عيون أنا شوفتها
بتقول كلام كله غرام
يجنن الطير والحمام
بس السلام كل الكلام
اغاني حلوه لقلبها
وبحبها