سبتمبر 17, 2021

اخبار تحيا مصر

جريدة ورقيه وموقع الكترونى

بنت الإيه

بنت الإيه
شعر أحمد الكومي
وبنت الإيه
جمالها دا إيه
حكاية وجايبه م الأخر
برمش عيونها شباكتني
ونن العين
كحيل وجميل
وسمارها اللي دوبني
أوماها تقول غزل رايق
وعودها خلي عقلي إتجن
دي مرسومه بزوق وبفن
وسبحان اللي صورها
وأبدع في محاسنها
وترحتها علي اكتافها
بتسحر كل من شافها
بتتمشي تهز الأرض
سبوني ياناس وانا أخطفها
واخبيها هنا ف قلبي
وأخلي عنيا حراسها
واروح أنده علي ناسها
وادفع مهرها عمري
ولما يوافقوا علي طلبي
هروح علي كل بيت ف الحي
أعرفهم بإني خلاص
بقيت سلطان إميرة الكون
وأبنيلها في قلبي قصور
تليق بقدرها العالي
علشان أثبت لها وللناس
بأني بيها متلهلب
من وقت ما شوفتها بالعين
كأني بالجمال مسحور
أو معذور بمس الجان
وكل القصه وما فيها
جمالها دا إيه
دي بنت الإيه