سبتمبر 19, 2021

اخبار تحيا مصر

جريدة ورقيه وموقع الكترونى

لحظة

لحظة
شعر أحمد الكومي
تعالوا نعيش ولو لحظة
في قلب هدوء
وناخد منها راحة البال
بخفه وزوء
ونخطف منها الفرحة
دي جت على شوء
ونصنع منها جناحات ضل
نطيربيها حبيبي لفوء
ونغزل منها توب مع شال
وناخد ضي شمستها ننور بيه
وناخد منها نسمتها يروق البال
ونضحك ضحك بزيادة
وفوق العادة
كفايه الأيام السادة
وننسي الحزن بزيادة
ونتمشي في طريق السعد
حبيبي الفرح مش بالمال
ولا كترة خلف وعيال
بإصرارنا وعزيمتنا
ندوس ع الحزن
ونمشي نغني بالموال
ولو ضاقت بندعي الله
بيفرجها يروق الحال
ونمضي مع السعادة عقود
وناخد منها بيت سكنه
ولو حتي. بعقد إيجار
ونبعد عن همومنا شويه
نعيش اللحظة لو في خيال
تعالوا نعيش ولو لحظة