سبتمبر 19, 2021

اخبار تحيا مصر

جريدة ورقيه وموقع الكترونى

فينك يا زمان

فينك يا زمان
بقلم مصطفى سبتة
عم اسامه واحدمن الشعب
قضي حياته خوف ورعب
من الدنيا وحالها والبلد
إللي تبدلت أحوالها
كل يوم بيصارع الموت
مره من المرض
ومره من الجوع
بيصحي. دايما. مفجوع
طب ليه طب ليه شوفو ازاي
عم اسامه عدي الستين
عاش أيام كتير
شاف الحلو وشاف المر
يعمل ايه ابن العشرين
من كتر الشقا حيله اتهد
وشعره ياعيني
ابيض مظلوم بجد
معانا يآرب معانا يآرب
عم أسامةماشي غضبان.
شكل مزاجه مش مظبوط
عمال يخبط كف علي كف
شكله. كده. مش
عاجبه. الحال
طب ليه وازاي
شافه عم جمال
وابنه عثمان
مالك ياأسامه
شكلك مش مبسوط
من الصبح وأنت نازل لف.
بدور على حاجه
ولا عقلك تاه
مالك ياأسامه فيه إيه
رد أسامه وقال
شوفت وشوش الناس
غضبانه زعلانه
ركبها الهم
دنيا غريبه عجيبه
زحمه وهيصة
زي السوق
معاك كام تسوااااكام
عرض وطلب بص
هناك علي الضمير
عاملين تخفيض
شوفت الدنيا
عجيبه إزاي
طب دا كلام
طب دا كلام
والله ماينفع
فينك يازمان
الناس بتبيع وتشتري
في الناس بالمال
علي كدا يبقي
الغلبان يسوي كام
ولا مالهوش تسعيرة
ماهو فقير كحيان
جيبه فاضي مافهش
حتي ريال طب دا كلام
شوفت. يا هلال.
إللي عملوه فيناالعيال
وانت تقولي مالك زعلان
أخدت المعاش يدوب
رغفين وشويه برشام
فينك. يا زمان
خليني ساكت هو
العمر فاضل فيه كام
كفايه عليا
اتغطي ونام
مش مهم ابات موجوع.
وقارص عليا الجوع
طب دا كلام
هلا ل سمع الكلام
وناداا علي ابنه بلال
هات العود يا بلال
وخاد الكلمتين
وبداء يقول موال
والحزن من العود
نازل زي الشلال
مالك مالك ياعم أسامه
انت ليه مش مبسوط
ومش راضي بالحال
ايامنا غريبه
فيها ايه مزبوط
يا عم اسامه
ياعم أسامه
سلفني جنيه.
سلفني جنيه
أفطر بيه حتي
لو شقه فول
ياأسامه شوفت
وشوش الناس
غضبانه ودبلانه
زي ما يكون غضب
والعياذ بالله
استرها معانا
استرها معانا
ونجينا يا الله
رد د ياواد يابلال
استرهااسترها معانا
استرها معانا ياالله
ياأسامه صوتك فين
يااسامه صوتك فين
ساكت ليه ليه ليه
ياأسامه ساكت ليه
قول كلمتنا
قول كلمتنا
فينك ياسلامه
صحصح فوق
هات في سيرتنا
هات هات هات
إحنا بعدنا وانت
لسانك برضو طايلنا
طب نعمل ايه
غير ندعي الله
يهديك ويهدي السر
عليك أدينا صبرنا
وصبرنا طال
كل يوم علي دا
الحال بكره افضل
واحنا علي نفس
الحال ودااحال عم
جمال يسمع كلمه
يقول موال
ماهو معذور
والأيام عليه بتدور
ماشفش غير
فقر. وجوع
ينده مهما ينده
صوته مش مسموع
امتي تمشي
الضلمه ويجي النور
ياللي كلامك
غير أفعالك
ليه عامل بينا
وبينك سد
ليه تظلمنا
وتقطع حبل الود
انتو حكمتم
بإسم الشعب
واحنا الشعب
ا صاحب الأرض
حب الوطن فرض
بعتنا لكم جواب
بحال الشعب
بس. ماجاش الرد