سبتمبر 28, 2021

اخبار تحيا مصر

جريدة ورقيه وموقع الكترونى

يَا رَبّ يَا رَبّ يَا رَبّ

يَا رَبّ يَا رَبّ يَا رَبّ
بقلم مصطفى سبتة
وِمِيـــن فِينَــا مَاقَالْش يَا رَبّ
في وَقْت الْفَرْح أَوْ في الْكَرْب
وِمِيـــن يِسْـــمَع كَـــــلاَم الله
وِمَا يْحَــــرَّك مَعَــــــاه الْقَلْب
دَه رِزْقَــك عَنْـدُه آه مَضْمُون
وِلَوْ تِسْـــعَى يِزِيـــــدَك فَضْل
دَه رَبّ الْكُون كَــرِيم عَـــادِل
وِمِن كَــرَمُه مِيــــزَانُه الْعَدْل
وِلَوْ تِحْسِــن تِكُــون مَحْبُوب
وِفي الآخْــــــرَه كَمَان تِتْحَبّ
دَه رَبَّــــــك وَالله رَبّ قُلُــوب
هَتِسْتَغْـــــــــفِر يِــزُول الْذَّنْب
وِلَوْ تِنْسَى الإِسَـــــــاءَه تِنُول
مِن الْرَّحْمَـــان جَنَـــايِن حُــبّ
وِرِضْــــوَانُه مَعَاك عَلَى طُول
مَادَام بِتْــــأَدِّي سُــنَّه وِفَرْض
يَا سَابِح في رِضَــــا الْرَّحْمَان
وِعَايِش بِين سَــمَاه وِالأَرْض
يَا بَـــاغِي مِ الْجِنَـــان رَيَّـــان
هَنِيَّــــالَك في يُــــــوم الْعَرْض
وِمِيـــن فِينَـــا مَاقَالْش يَا رَبّ
في وَقْــت الْفَرْح أَوْ في الْكَرْب
وِمِيـــن يِسْـــــمَع كَـــــلاَم الله
وِمَا يْحَــــــرَّك مَعَــــــاه الْقَلْب