سبتمبر 19, 2021

اخبار تحيا مصر

جريدة ورقيه وموقع الكترونى

يابائعين الصبردلوني

يابائعين الصبردلوني
بقلم مصطفى سبتة
ليه يا دنيا للهموم بتحضري
الولد نبته ضعيفه لساه طري
أمله يعلا ويجيب طرف الامل
الضلام ضيع الحلم في ملل
الامل و الأماني يعيش سعيد
حظه واقف بكرباج من حديد
كل ما يشتد عزمه من جديد
القهر يخده لطريق مر عنيد
بصي بقى بربع عين للصغار
امله يسرح حتى بشوية خضار
تخبي ليه من عينيه نور النهار
الطريق يهرب ومش لاقي له دار
وزعي بالعدل حبه أديه شويه
يبل ريقه دا نفسه يستر البنيه
في الاحزان و الهموم تجودي
والغم يركب الضعيف وتزودي
تدي للي معاه القوه وتسعدي
والمحروم المحتاج ليه تهددي
نفسه يقعد تحت ضله في أمان
يعصر ويشرب الهنا زاي زمان
يا نبتة صبر أكبري وعرشي
أوعي ترتاحي يوم وتكرشي
هاتي النهار من الليل وأنقشي
سجادة خضره بطولها افرشي