سبتمبر 17, 2021

اخبار تحيا مصر

جريدة ورقيه وموقع الكترونى

أنا أكون لك إيه

( أنا أكون لك إيه )
وسألتني سؤال
وكانت فاكرة
إنه سؤال صعب
إكمنه سؤال يخص القلب..
ممكن تقولي انا أكون لك إيه
إنتي الدفا لو بردان
والضحكة في الأحزان
وفي الحيرة بر أمان
وإنتى اللي بقيالي
لو جار عليا زمان
إنتى الفرحة لو مهموم
وحلم سعيد في عز النوم
وقشاية لو مليش في العوم
وشمسى اللي بتدفيني
لا كانت عشان تحرقني
ولا غابت وحسيت بغيوم
إنتى اللي غيري معرفتشي
وإنتى بتحبي قبل ما تمشي
وكنتى لا بتهشي ولا تنشي
وبقيتي طير سكن عشي
وعلمتك لا تكدبي ولا تغشي
وإنتى الفرحة علي وشي
وحراسي منين ما امشي
ولو انا عين تكونى كمان رمشي
إنتى في وسط البنات
أنامعرفش غير زولك
ولا عارف شكلك ولا لونك
كل اللي انا عارفه
إنى مقدرش أخونك
إنتى الي حبك في عروقى
بيجرى مكان الدم
وانتى غروبي وشروقي
ووياكى لا بسأل ولا بهتم
وبتسأليني أكونلك إيه
كلماتى / أحمد سنجر
ربما تحتوي الصورة على: ‏‏‏شخص أو أكثر‏ و‏منظر داخلي‏‏‏